Politika -
Kontxako Banderaren egunean
Herriraren 'olatua' Kontxan, espetxe-politikaren aurka
Espainiako eta Frantziako gobernuen "itxikeriari" aurre egiteko "herritarren parte-hartzea" eskatu du kolektiboak, kartzela-politika aldatzeko.
Erredakzioa
Ehunka lagunek parte hartu dute Herrira preso eta errefuxiatuen eskubideak defendatzen dituen kolektiboak Espainiako eta Frantziako gobernuen "itxikeriari" aurre egiteko antolatutako 'olatuan'.
Ekimena 13:30ean izan da, jai giroan, Donostiako Boulevarden, Kontxako Banderaren finalaren egunean.
Partehartzaileek lau ilara osatu dituzte kalean eta zapi urdinez osatutako olatu bat eratu dute, 'Presoak Kalera' eta 'Amnistia Osoa' aldarrikatzen zuten bitartean.
Txarli Garcia eta Maika Tameron Herrirako ordezkariek komunikatu bat irakurri dute eta, bertan, "herritarren parte-hartzea" eskatu dute kartzela-politika aldatzeko.
Herrirako kideek azpimarratu dutenez, Giza Eskubideen Estrasburgoko Auzitegiak 197/2006 doktrinaren inguruan, Parot doktrinaren inguruan alegia, ebazten duena gorabehera, kartzela-potitika "gizartearen esku ere badago".
