Politika -
EH Bilduren manifestazioa
EH Bildu 'inboluzioaren aurka' manifestatuko da Aste Nagusian
Manifestazioa datorren abuztuaren 23an egingo da, "Sasi guztien gainetik, Euskal Herria martxan!" lelopean.
Erredakzioa
EH Bilduk manifestazioa antolatu du datorren abuztuaren 23rako, Bilboko Aste Nagusia ospatzen den bitartean, "inboluzioaren agenda martxan jarri dutenek hemen bere etorkizunaren jabe izango den eta mugitzen ari den herri bat dagoela ohartarazteko".
Asteazkenean aurkeztu dute EH Bilduko Aitziber Ibaibarriaga Bilboko zinegotziak eta Amaia Agirresarobe batzarkideak, eta "herri honek azkenaldian jaso dituen eraso kontaezinek" ekitaldia antolatzera bultzatu diela azaldu dute.
Manifestazioa "Sasi guztien gainetik, Euskal Herria martxan" lelopean abiatuko da.
"Demokrazia falta"
Alde batetik, bizi dugun krisi egoera aipatu dute, "azken urte honetan hainbat enpresa bizkaitarrek ixteko duten arriskua" gogoraraziz, eta, bestetik, "beste erasoa: eskubideen inboluzioarekin Estatu Espainiarrak Euskal Herrian zabaldu den prozesua errailetik irtenaraztea saiatuz".
"Demokrazia falta hau da Carlos Urquijo Gobernuko EAEko delegatuak, nahiz eta bozken babesik ez izan, nahi duena inposatzea ahalbidetzen duena", adierazi dute Aste Nagusiko txupinerari ezarritako debekua gogoraraziz. Gainera, Gobernuko delegatuaren postua desagertzeko eskatu dute.
