'Debekuek arreta desbideratu nahi' dutela uste du Herrirak

Herrira presoen eta errefuxiatuen eskubideak defendatzen dituen mugimenduak Gobernuak Euskal Herrian dituen ordezkariek egiten dituzten "mota guztietako debekuek giza eskubideen urraketei buruzko arreta desbideratu nahi" dutela esan du. Horren ustez, kartzela-politikak eragiten du urraketa hori.

Gobernuak dituen ordezkarietara bidalitako oharrean, Herrirak “edozein ekimenari terrorismoa goraipatzearen eta biktimak iraintzearen zigilua jartzea” leporatu die. Halaber, “gatazka parametro horietan bakarrik mantendu nahi dutenek ikusten dute hori”, gaineratu du.

"Ez da terrorismoa goraipatzea minbizia duen preso bat aske uztea edota presoen dispertsioaren amaiera eskatzea. Ez da biktimak umiliatzea preso dauden pertsonak eta haien senideak giza eskubideen, eskubide zibilen eta politikoen jabe izatea, gainerako herritarren moduan", azaldu du.

"Gaitzesgarria ez da pertsona batzuen giza eskubideen errespetua eskatzea, Gobernuak era nabarmenean urratzea baizik, dispertsioa gogortuz, eta gaixo dauden presoei askatasuna kenduz edota zigorra bete dutenei egonaldia luzatuz", nabarmendu du.