Urquijo: 'Txupineraren izendapena kentzea biktimen garaipena izan da'

Carlos Urquijo Gobernuak EAEn duen ordezkariak esan duenez, Bilboko auzitegi batek Jone Artola Aste Nagusiko txupineraren izendapena bertan behera uzteko erabakia "albiste bikaina da terrorismoaren biktimentzat eta haien senideentzat".

Urquijo "pozik" agertu da Bilboko Administrazioarekiko auzien Epaitegiak hartutako erabakia ezagutu duenean, ohar baten bidez jakinarazi duenez.

"Nahiago nuen izendapenarik egon ez balitz, errespetuagatik eta biktimekiko enpatiagatik, baina hori faltan izanez gero, auzitara jo beste biderik ez zegoen", gaineratu du Gobernu espainiarraren ordezkariak Epaitegiaren erabakia ezagutu ostean.

Urquijoren hitzetan, "erosoagoa izango litzateke ezer ez egitea", baina "Estatuak biktimen duintasuna defendatzeko beharra dauka".

"Urte gehiegi igaro dira ETAren ingurukoek jaiak nahasten, banda eta haren estrategia defendatzen", nabarmendu du.