Mintegi: 'Posible da bakerako lantaldean PPrekin akordioak hitzartzea'

Apirilaren 11an Eusko Legebiltzarrean izango den bakerako lantaldearen harira Laura Mintegi EH Bilduko bozeramaileak adierazi duenez, "posible da EH Bilduk eta PPk akordioak hitzartzea". EFEri eskainitako elkarrizketan Mintegik esan duenez, "garrantzitsua da bertan PP egotea, bake-prozesuaren funtsezko protagonistak direlako".

"Akordioak lotzeko aukerak daude, bakoitzaren ideologiari errespetua izanda eta inolako inposaketarik gabe, akordietara iritsiko garelakoan nago", azpimarratu du.

EAJ eta PSEren itxurakeriak

"Mikrofonotik eta argietatik aparte" terrorismoaren amaierari buruz alderdi politikoek eztabaidatzeko aukera izatea garrantzitsua dela nabarmendu du EH Bilduko bozeramaileak. Halaber, bake ponentzia aurrera ateratzeko EH Bilduk egindako "sekulako ahalegina" azpimarratu du.

"EH Bilduk ekarpenik handiena egin du", gaineratu du Mintegik, "bakerako lantaldera joango gara, EAJren eta PSE-EEren arteko itxurakeriak benetakoa ez den errealitatea islatu nahi izan badu ere". "PP lantaldean sartzeko EH Bildu kanpoan zegoen irudia eman nahi izan dute", salatu du.

Minaren aitorpena eskatu

Bestalde, ETAk egindako minaren aitorpena egitea ezker abertzaleari eskatzea terrorismoaren amaieran aurrera egiteko "akatsa da". "Edonork ezarri dezake aldez aurretik justifikatuta dauden baldintzak, esaterako politikan aritzeagatik espetxeratuta ez izatea, baina hori ez da egiten borondate zintzorik ez dagoelako".

Gauzak horrela, "ikuspegi historikoa" izateko eskatu die PPri eta gainerako alderdi politikoei, "gure herrialdearen historiaren zein puntutan gauden eta bakoitzak zein papera jokatu behar duen jakiteko".