Politika -
ETA-ren agiria
Bake prozesua atzera bueltarik gabekoa dela uste du Sortuk
Presoak askatzea eskatu du Pernando Barrenak, baita odolezko delituak dituztenak ere.
Erredakzioa
Pernando Barrena Sortuko bozeramaileak igande honetan adierazi duenez, Euskal Herriko bake prozesuak ez du atzera bueltarik, eta ezker abertzalearen apustua "atzeraezina" da. Halaber, presoak askatzea eskatu du Barrenak, baita odolezko delituak dituztenak ere.
Aberri Egunaren harira, ETAk argitaratutako agiria izan du hizpide Pernando Barrenak Rac1 irrati-katean.
Prozesuaren amaieran preso guztiak askatzea eskatu du Sortuk, odolezko delituak dituztenak barne, "motibazio politikoa" dutela argudiatuta. Hala ere, presoen askatze prozesua era mailakatuan egitea onartzen du Barrenak.
