Politika -
Bizkai Buru Batzar
Itsaso Atutxa, Bizkai Buru Batzarreko presidente izateko bidean
Lehen itzulian, Atutxak soilik aurkeztu du Andoni Ortuzarren ordezko izateko hautagaitza.
Erredakzioa
Itsaso Atutxa izango da ziurrenik EAJko Bizkai Buru Batzarreko presidente berria. Lehen itzulian, Atutxak bakarrik aurkeztu du EAJko Bizkai Buru Batzarreko presidente izateko hautagaitza.
Urtarrilaren 17an hasi zuen alderdiak Andoni Ortuzarren ordezkoa izendatzeko prozesua. Bi itzuli izango ditu Bizkaiko burua eta bertako exekutibako lau burukideak izendatzeko prozesuak.
Berme eta Kontrolen Batzorde Nagusiak ziurtatuko du Atutxaren hautagaitza datozen egunetan. Hautagai bakarra izango dela aurreikusi den arren, probintziako exekutibako lau kideak hautatzeko hautagai gehiago egongo dira.
Bigarren itzulia hilabete honen 15a eta 20a bitartean egingo dute. Hurrengo egunean, BBBko presidente berriaren izendapena ofizial egingo dute.
Aitor Esteban EAJk Kongresuan duen bozeramailearen emaztea da Itsaso Atutxa, eta prozesuak iragarri bezala amaituko balu, Bizkaiko Buru Batzarra gidatzen duen lehen emakumezkoa izango litzateke.
Halaber, horren aitak, Javier Atutxak, EAJren BBBren buruzagitza izan zuen 1996 eta 2000 urteen artean, Urkulluk ordezkatu zuen arte.
