Politika -
Estrategiak zehazteko
Herrirak Asanblea Nazionala egingo du hilaren 26an
Asanblearen bidez, "presoen eskubideen errespetua, konponbidea eta bakea euskal gizarte osoari helaraztea" nahi dute.
Erredakzioa
Herrirak lehen Asanblea Nazionala egingo du Irunen, Gipuzkoan, hurrengo hilabeteetarako ardatzak zehazteko. Halaber, presoen aldeko aldarrikapenak "gizarteratzen jarraitzeko bultzada" emango dio plataformari.
Bilbon egindako prentsaurrekoan iragarri dutenez, Bilbon urriaren 12an euskal presoen alde egindako "manifestazio historikoaren ostean", helburua "aldarrikapenak gizarteratzea" izan behar du, "gizartean bertan babes handia duelako".
Asanblea Nazionala 9:30etan hasiko dute, eta Herrira osatzen duten "herrietako, hirietako, auzoetako eta eskualdeetako pertsona guztiak" biltzeko balioko du. Horrez gain, "presoen eskubideak errespetatzeko aldarrikapena, konponbidea eta bakea euskal gizartearen bazter guztietara helaraztea da".
"Asanblean hurrengo hilabeteetarako ardatzak ere zehazteko balioko du eta gure aldarrikapenak gizarteratzen jarraitzeko bultzada emango digu", azaldu dute.
