Politika -
Ingalaterra
Troitiñoren estradizioa eztabaidatuko dute Londresen
ETAko kidea Long Lartineko espetxean dago epaiketaren zain, eta Westminsterreko magistratuen gortean epaituko dute.
Erredakzioa
Antton Troitiño ETAko kideari epaiketa egingo diote Espainiara estraditatuko duten ala ez erabakitzeko. Troitiño Londresen atxilotu zuten ekainean, Espainian 24 urteko kartzela zigorra bete zuen eta Justiziak zigorra luzatzea erabaki zuen Parot doktrinari helduta.
Troitiño Long Martin kartzelan da eta Westmisterreko magistratuen gortean agertuko da gaur, Londreseko hirigunean. Bertan, Fiskaltzaren eta defentsaren argudioak entzungo ditu.
Epailearen aurrean urtarrilaren 8an agertu zen lehen aldiz, ohiko "fitxaketa" egiteko.
Trotiño 2011ko apirilean askatu zuten Espainian, 24 urteko kartzela-zigorra beteta. Hala ere, egun batzuk igaro ondoren, Auzitegi Nazionalak aske uzteko erabakia atzera bota zuen eta Parot doktrina aplikatzeko deitu zuen. Parot doktrinaren arabera, Trotiño 2017ra arte egon beharko luke kartzelan.
Baina Espainiako Justiziak agindua eman zuenerako, Troitiño ihes eginda zegoen. Ondorioz, Espainiak atxilotzeko agindua eman zuen eta Erresuma Batuan harrapatu zuen ekainaren 29an.
Londresen atxilotu zuten
Troitiñiño Londresen atxilotu zuten Ignacio Lerin ETAko ustezko kidearekin batera, Hounslow auzoko etxebizitza batean, Heathrow aireportutik gertu. Etxebizitzan sokumentazio faltsua aurkitu zuten eta beste pertsona batzuk ere atxilotu zituzten immigrazio kontuengaitik.
