Mintegik EAJri egotzi dio EITBk Erregearen mezua igortzearen ardura

Laura Mintegi EH Bilduko ordezkariak EAJri egotzi dio EITBk Gabon Gauean Erregearen mezua igortzearen ardura, “euskal herritarren borondatearen aurka”.

EAren egoitzan eginiko prentsaurreko batean, koalizioak “anakronikoa” den Erregearen emisioa antenatik kentzeko Legebiltzarrean eginiko ekimen guztiak atzera botatzea egotzi dio Mintegik EAJri.

Mintegik azaldu duenez, berak ordezkatzen duen koalizioak azken egunetan Legebiltzarrean eginiko ekimenak azaldu ditu, adierazpen instituzonala egin edo osoko bilkura bat deitu, adibidez. 

Baldintza bakarra

Legebiltzarrak mezua igortzearen aurkako adierazpen bat egitea da Alberto Surio EITBko zuzendariak kateak mezua ez emititzeko eskatu duen eskaera bakarra. 

Mintegiren arabera, “EAJtik etorri dira EH Bilduk eginiko ekimenek jasandako eragozpen arauemaile guztiak, eta horrek Legebiltzarra bezalako erakunde bat mutu uztea eragin du”.

“Gauzak argi eta garbi esan behar dira”, ziurtatu du koalizioko ordezkariak.

Kontzentrazioa EITBren egoitzan

EH Bilduk kontzentrazio bat deitu du EITBko egoitzan abenduaren 24rako. Erregearen mezuaren igorpena 2009. urtean hasi zen, Patxi Lopez Lehendakaritzara heldu zenean.