Uriarte Wertekin bilduko da, hezkuntza erreformaz hitz egiteko

Cristina Uriarte Eusko Jaurlaritzako Hezkuntza, Kultura eta Hizkuntza Politika sailburu berria Jose Ignacio Wert Hezkuntza ministroak erkidegoetako ordezkariekin deitu duen bileran izango da asteazken honetan.

Hezkuntza-erreforma jorratzen jarriatuko dute hitzordu horretan, eta kargua zin egin ondoren Uriartek Hezkuntza, Hizkuntza Politika eta Kultura sailburu gisa egingo duen lehen ekitaldia izango da.

Erreformari buruz laugarren bilera, azkena

Asteazken honetakoa Hezkuntza kalitatea hobetzeko etorkizuneko lege organikoari buruzko laugarren bilera izango da, eta segur aski, azkena. Hasiera batea, autonomia erkidego guztietako kontseilariak joatea aurreikusi dute.

Lehenengo bilera abenduaren 4 egin zuten, eta horretara ez zen joan Isabel Celaa jarduneko sailburu sozialista. Haren ordez Marian Ozcariz sailburuordea bertaratu zen.

Aurreko Eusko Jaurlaritzak proposamena errefusatu zuen, lehian inbasioa "maximoa" esan nahi zuela uste zutelako eta hizkuntza gaiari dagokionez Espainian lortutako "bat-etortze historiko guztiak apurtzen" zituelako.

EAJren jarrera

Arantza Tapia Iñigo Urkulluren Eusko Jaurlaritzako Garapen Ekonomikoko eta Lehiakortasun sailburuak EAJko diputatua zenean, hilabete hasieran, honako hau esan zuen: "Ministerioaren zirriborroak euskera erasotzen du, eta eraso nabarmena egiten dio ere eskuduntzari".

Tapiak Gobernuari EAJ aurrez aurre izango zuela jakinarazi zion, "muga gorri horiek pasatu nahi baditu".