Barcenas auzia -
Barcenas auzia
Ruz epaileak Barcenasen bi ordenagailu eskatu dizkio PPri
Maria Dolores de Cospedal alderdiko idazkari nagusiak asteazkenean ordenagailuek Genovan jarraitzen dutela esan ostean hartu du erabakia.
Erredakzioa
Pablo Ruz Auzitegi Nazionaleko epaileak Luis Barcenas alderdiko diruzain ohiak Genova kaleko egoitzan dituen bi ordenagailuak eskatu dizkio PPri, Maria Dolores de Cospedal alderdiko idazkari nagusiak asteazkenean ordenagailuek Genovan jarraitzen dutela esan ostean.
Ostiral honetan jakinarazitako auto batean, Ruzek, ustezko B kontabilitateko paperetan azaltzen diren "biseak" Alvaro Lapuerta diruzain ohiaren letrarekin alderatzea eskatu du
Gurtel auziko epaileak, bost egunetan, Genovako Barcenasen bulegoko bi ordenagailuak bidaltzea eskatu dio PPri, eta eginbide hau "posible" dela uste du, Cospedalek asteazkenean lekuko moduan egindako deklarazioan ordenagailu horiek alderdi politikoak "babesten" dituela azaldu ostean.
Cospedalek adierazpen hori egin zuen, Barcenasen paperen harira egindako galdera bati erantzunez. Halaber, idazkari nagusiaren erantzunak "eginbidea egiaztatzea" ahalbidetzen duela nabarmendu du.
Ruzek Javier Gomez de Liaño Luis Barcenasen abokatutako eskatutako eginbide hori egitea onartu du, adituaren froga bat egiteko eta Barcenasek uztailaren 15ean USB memorian emandako artxiboak babesteko.
