Jesus Torquemada
Iruzkina
Trumpen 'brexit'a
Jesus Torquemada
Trumpek ez du brexit-a asmatu, baina prest dago bere interesen arabera erabiltzeko.
Trumpek brexit-aren aurrean duen jarrera kezkagarria da. Argi dago Trumpek akordiorik gabeko brexit-aren alde egiten duela, danbatekoa jota, Erresuma Batua Europar Batasunetik banatzea nahi du. Erresuma Batuak Europar Batasunarekin dituen lotura guztiak eteten baditu, nahitaez Ameriketako Estatu Batuen (AEB) esanetara geratu beharko du. Trumpek azenarioa erakutsi die jada britainiarrei: Batasunarekin guztiz hausten badute, merkataritza askerako akordioa sinatu dezakete AEBekin. Eta orduan, Erresuma Batua AEBen hegazkin ontzi bihurtuko da, Europaren parez pare jarrita. Hegazkin ontzi militar eta ekonomikoa izango da.
Erresuma Batua modu desleialen hasiko da Europar Batasunarekin lehiatzen. Singapur moduko bat bihurtuko da, brexit-aren aldeko gogorrenetako bat den Boris Johnsonek behin baino gehiagotan esan duen bezala. Trumpek uste du horrek guztiak Europar Batasuna ahulduko duela, eta azkenean lehertu egingo dela. AEBko aurreko presidente guztiek Europa bazkide gisa ikusten zuten; Trumpentzat traba bat da. Trumpek ez du brexit-a asmatu, baina prest dago bere interesen arabera erabiltzeko.
