Jesus Torquemada
Analisia
Erresuma Batuak ezin du ateari danbatekoa emanda joan
Jesus Torquemada
- Erredakzioa -
Britainia Handiko parlamentuak argi utzi du: Erresuma Batuak ezin du joan irteerako akordiorik gabe.
Britainia Handiko parlamentuak baztertu egin zuen atzo, 4 botoren aldeaz, Erresuma Batuak Europar Batasuna edozein eratara edo danbatekoa emanda uztea, hau da, akordiorik gabeko irteera bat. Boto aldea txikia izan zen, baina ezezkoaren oinarria sakona da: Mozioak dio akordiorik gabeko irteera bat ez dela emango “inoiz eta inongo baldintzetan”.
Mozio horrek aldatu egin zuen Theresa Mayk aurkeztu zuen lehen mozioa, akordio gabeko irteera baztertzen zuena baina modu nahasiagoan. Esan liteke Mayk zera nahi zuela: Europar Batasunarekin negoziazioak luzatu litezkeela aurreikusita, akordiorik gabeko irteeraren aukera eskura izatea. Mozio berriaren garaipenaren ostean, mehatxu hori jada ez da existitzen.
Britainia Handiko parlamentuak argi utzi du: Erresuma Batuak ezin du joan irteerako akordiorik gabe. Hori bai, martxoaren 29an Erresuma Batua modu automatikoan Batasunetik kanpora geratuko da luzapena eskatzen ez badu, eta Europako beste herrialdeek onartu behar dute luzapena. Hori dela eta, gaur beste bozketa erabakigarri bat egingo da: Britainiarrek erabaki behar dute luzapena eskatuko duten edo ez.
