Jesus Torquemada
Iruzkina
'Brexit': Zenbat diputatu izutuko dira?
Jesus Torquemada
May guztiz konbentzituta zegoen akordioa lortzeko modu bakarra jarraitu duen estrategia zela: Akordioaren aurkakoak zirt edo zart egitera behartzea.
Theresa May lehen ministro britainiarrak lortu du nahi zuen lekuraino iristea. Mayren alderdiko euroeszeptikoak eta Ipar Irlandako unionistak, aldiz, nahi ez zuten dilema handi baten aurrean daude: Mayk proposatzen dien akordioa onartu behar dute edo bestela brexit-aren trena galtzeko arriskua hartuko dute. Ez zaie gustatzen Ipar Irlandako mugarako akordioak proposatzen duen irtenbidea, eta Mayk azken orduan lortu dituen aldaketak ere ez zaizkie nahikoa iruditzen.
Hori bai, alde bozkatzen badute, Erresuma Batua martxoaren 29an Europar Batasunetik aterako da. Ez da atzera egiteko aukerarik izango, eta beraz, euroeszeptikoek lortuko dute beren helburu handia: Europar Batasunetik irtetea. Baina, aurka bozkatzen badute, Batasunetik irteteko data martxoaren 29tik atzera luzatzeko aukera handia izango da. Eta inork ez daki luzapen horretan zer gerta litekeen. Bigarren erreferendum bat ere egin liteke eta bertan britainiarrek duela hiru urte hartutako erabakia birpentsatu dezakete.
May guztiz konbentzituta zegoen akordioa lortzeko modu bakarra jarraitu duen estrategia zela: Akordioaren aurkakoak zirt edo zart egitera behartzea. Baina duela hilabete eta erdi bere 118 diputatuk aurka bozkatu zuten. Askok izutu beharko lukete gaur akordioa aurrera ateratzeko.
