Jesus Torquemada
Iruzkina
Mehatxu bikoitza Europar Batasunarentzat
Jesus Torquemada
Trumpek argi utzi du Europar Batasuna suntsitu nahi duela, eta Erresuma Batuak barrutik lagunduko dio.
Teresa May Erresuma Batuko lehen ministroak 'Brexit'a martxan jartzeko Parlamentuan egindako bozketa aise irabazi du. Kontserbadoreek, denak batera, baietz bozkatu dute uste dutelako Europar Batasunetik ateratzea aukerarik onena dela. Gehiengoak ateratzearen alde egin dute uste dutelako ezin diotelako aurka egin pasa den ekaineko erreferendumari.
47 diputatu laboristek kontra bozkatu dute pentsatzen dutelako Europar Batasunetik ateratzea langile britainiarrentzat kaltegarria izango dela. Oraindik bi bozketa daude egiteke, baina ez da aldaketarik espero diputatuen artean. Mayk eta eurofoboek ezusteko aliatu batekin topatu dira, Donald Trump.
Europar Batasunaren etsaiek ekaineko erreferenduma irabazi zutenean, bakarrik zeuden Batasunaren kontrako gerran. Haiek ere ez zuten uste Trump izango zela AEBko presidente. Trumpek argi utzi du Europar Batasuna suntsitu nahi duela. Eta Erresuma Batuak barrutik lagunduko dio.
