Jesus Torquemada
Iruzkina
Urratu arrazista AEBn
Jesus Torquemada
Poliziarekin istiluetan hildako %30 herritar beltzak ziren, baina AEBko populazioari begiratuta, %15 besterik ez dira.
Ameriketako Estatu Batuetan (AEB) polizia agente zuriek herritar beltzak gaizki tratatzen dituztela uste dute askok, eta estatistikek hala berresten dute. Poliziarekin istiluetan hildako %30 herritar beltzak ziren, baina AEBko populazioa aztertzen badugu, %15 besterik ez direla ikusten dugu. Gauza bera gertatzen da espetxetan: preso beltzen zenbatekoa gizartean duten pisu demografikoa baina askoz handiago da. Kontrakoa pasatzen da agenteen artean: poliziaren gehiengo zabala zuria da, eta polizia beltzak ez dira dagokien %13ra iristen.
Agenteak urduri daude lana egiterakoan, kalean armatutako jende asko dagoela badakite, baina estatistikek, gainera, argi uzten dute jarrera arrazistak dituztela. Hala ere, armak tartean dauden gertakari asko badago ere, ez dago armen salmenta jaisterik. Obama presidentea benetan saiatu da, baina lorpenik gabe joango da. Urtarrilean Etxe Zuria uzten duenean, ezingo du esan indarkeria poliziala jaitsi denik, ezta armen salmenta gutxitu denik ere. Presidente beltz bat aukeratu izana historikoa zela asko azpimarratu bazen ere, azkenean, arlo honetan behintzat, ez du ezertarako balio izan.
