Athletic Club
Oharra
Errua Athleticeko zaleena dela dio Anderlechtek
Erredakzioa
Begikako klubaren esanetan, "antolakuntza ezak (...) eta zale zuri-gorrien zirikatzeak" eragin zituzten San Mameseko istiluak.
Anderlecht taldeko zuzendaritzak ohar bat kaleratu berri du eta bertan San Mameseko istiluen inguruko bideo, argazki eta adierazpen guztiak biltzen ari dela iragarri du. Testigantza horiek eta zaleen beste hainbat UEFAri eta Belgikako Barne Ministerioari bidaltzeko asmoa dauka.
"Antolakuntza ezak (...) eta etxeko taldeko zaleen zirikatzeak" eragin zituzten istiluak, Anderlechten esanetan. "Bilbon jazotako istiluek eta liskarrek ezin dute futbolean lekurik izan", dio oharrak. "Egun txarra izan zen baketsuak eta futbola maite duten Anderlecheko zaleentzat eta antolakuntza kaskarrarena izan zen errua. Onartezina da".
Amaitzeko, eta ihauterien astea dela eta, Bilbora hurbildutako hainbat zale umeak zirela gogoratu nahi izan du Belgikako klubak.
