Girona-Reala: Gonzalez prest

Ander Altuna

Zubieta

Azken eguneratzea: 2010/02/18 20:28 (UTC+1)

Taldera itzuli da arratsaldez eta Labakaren tokia beteko du Montilivi futbol zelaian. Huescaren kontra bestetik, hilaren 27an, 18:00etan (ETB-1en).

Whatsapp
Whatsapp
telegram
twitt
Bidali
Esteka kopiatu

Albisteak (2)

Inolako arazorik gabe burutu du Mikel Gonzalezek lan saioa eta Martín Lasarteren aginduetara da Gironako lehiarako. Arrasatearrak min hartu zuen joan den astean Murtzian. Iztarrean zaintiratua izan eta gero aldaketa eskatu zuen neurketa hasi eta ordu erdi eskasera eta bere parte hartzea ezin zitekeen segurutzat jo. Arratsaldeko entrenamendua argigarria izan da, ordea. Ansotegiren atzetik minutu gehien jokatu duena da Gonzalez eta bere itzulera begi onez hartuko zuen Lasartek. Bestalde, Riesgok iztar aldean min duenez ezin izan du entrenamenduan parte hartu. Bihar, 10:00etan dute hitzordua Zubietan Gironaren kontrakoa prestatzen jarraitzeko.

Datorren larunbatean aldiz, Huescan arituko dira txuri-urdinak eta Euskal Telebistak zuzenean eskainiko du neurketa seiretatik aitzina.