Osasuna
Hilabete egongo da bajan
Osasuna: Apendizitisak jota, Juanfrani ebakuntza egin diote
Asier Legarda
Taxoare
Iruñeako San Miguel klinikan egin diote ebakuntza eta hilabete beharko du zelaietara itzultzeko.
Igandean Osasunako jokalari onena izan zen Juanfran, Vila-realen aurkako lehian bi gol egin zituelarik. Gaur, ordea, gauza txarrago baten erruz da protagonista Juanfran. Eskuin hegaleko erdilari gorritxoak ondoeza sumatu du apendizitis baten erruz, eta arratsaldean bertan ebakuntza egin diote Iruñeako San Miguel klinikan.
Arazorik ezean bihar bertan etxera joan ahal izango du Osasunako jokalariak, baina erabat osatu eta zelaietara itzuli ahal izateko hilabete beharko du gutxi gora bera. Hutsunea garrantzitsua da Jose Antonio Camachok zuzendutako taldearentzat.
