Ekonomia
Jubilazioaren polemika
Erretiroaren erreforma negozia daiteke, Salgadoren arabera
Erredakzioa
Ekonomia eta Ogasun ministroaren ustez, mugimendu asko eskatzen duten lanetan salbuespenak egin daitezke. Salgadok hondakin nuklearren biltegia "guztiz segurua" dela adierazi du.
Elena Salgado Ekonomia eta Ogasun ministroak adierazi duenez, jubilazio adina 65 urtetik 67ra igotzeko Espainiako Gobernuaren proposamena oraindik negoziatu eta zehaztu daiteke.
Mugimendu asko beharrezkoa den lanetan salbuespenak egin daitezkeela adierazi du Salgadok TVEn egindako elkarrizketan. Jubilatzeko adinaren aplikazioa eztabaidatu daitekeela esan du, baina Gobernua 67 urteko muga hori beste adin batengatik aldatzeko prest dagoen ez du azaldu.
Salgadok adierazi duenez, Gobernuak itxaron ahal izango luke proposamena egin baino lehen, baina aurkeztu egin badu, "arduragatik" eta Toledoko Paktuak erabakia hartu ahal izateko.
Hondakin nuklearren biltegia
Hondakin nuklearren aldi baterako biltegia ezartzeko udaletxeek krisiaren ondorioz "eskaera gehiago edo gutxiago" egin dituztela ukatu du ministroak.
Gobernuak horrelako biltegia "toki batean edo bestean" kokatzeko betebeharra duela adierazi du Salgadok.
Ministroak biltegi nuklearra defendatu du, "guztiz segurua" dela ziurtatuz. Biltegiak inbertsio handia eta lanpostuak sortuko dituela adierazi du ere, baina "krisiak ez du horrengan eraginik".
Oraingoz, hamaika dira biltegi nuklearra izatea aukeratu duten herriak; bertan zentral nuklearren 7.000 tona erregai eta de1.900 metro kubiko hondakin sartuko dituzte,
