Jesus Torquemada
Analisia
Hamasek gidaririk gabe hegazkinak ditu dagoeneko
Jesus Torquemada
- Erredakzioa -
Hegazkin horiek Hamasek eskuratu dituen misil pilari eransten zaizkio eta ia Israel osora iristea ahalbidetzen diote. Hamasen aurrerapauso militar hauen eragin psikologikoa izugarria da.
Hamasek gidaririk gabeko hegazkinak dituela konfirmatu izanak aldaketa estrategiko garrantzitsua eragin du. Atzo, Israelek jakinarazi zuen horietako bat atzeman duela eta Hamasek dio hiru aireratu dituela, onartu arren hiruek ere porrot egin dutela.
Hegazkin horiek Hamasek eskuratu dituen misil pilari eransten zaizkio eta ia Israel osora iristea ahalbidetzen diote. Hamasen aurrerapauso militar hauen eragin psikologikoa izugarria da.
Israeldar eta palestinarren arteko orain arteko gatazketan israeldarrek seguru ikusten zuten euren burua. Eremu okupatuetan euren soldaduek palestinarrak hiltzen zituzten bitartean, eraso suizidaren bat zen israeldarren kontrako mehatxu bakarra. Eta Israelek eremu palestinarrak isolatzen dituen harresia eraiki zuenetik askoz zailagoa da eraso horiek egitea.
Baina orain, misilak zein gidaririk gabeko hegazkinak direla eta, israeldarrei zerutik eror liezazkieke bonbak. Horregatik ospatzen zuten atzo palestinarrek pozez zoratzen dronen albistea.
Egi gordina den arren orain arte 180 palestinar hil direla eta israeldar bakar bat ere.
