Mundua -
Haurdunaldia
Hilda aurkitu dute Kate Middletonen erizain izan berri den emakume bat
Emakumea irrati-kate baten txantxa baten biktima izan zen atzo. Isabel II.aren eta Charles printzearen paperak egiten zituzten bi esatarik deitu zioten eta erizainak sinetsi egin zien.
Erredakzioa
Kate Middleton Britainia Handiko William printzearen emaztea artatu zuen erizainetako bat hilda aurkitu dute gaur, atzo irrati-kate bateko txantxa baten biktima izan ostean.
Cambridgeko dukea King Edward VII ospitalean ingresatu zuten aurreko astelehenean haurdunaldiak eragindako zorabioengatik, eta bertan egiten zuen lan hil den erizainak. Gainera, irratiko bi esatarik txantxa bat egin zioten, Isabel II.a erregina eta Charles printzea zirelakoan galderak egin zizkioten, eta honek erantzun egin zien, haiek zirela sinetsita.
Poliziak ez du jakinarazi erizaina nola hil den edo zerk eragin duen heriotza, baina argi adierazi du heriotza ez dela egoera "susmagarrian" gertatu.
William eta Kate Cambridgeko dukeek "atsekabea" agertu dute albistearen berri izan dutenean.
