Mursi presidenteak 'eskuak batzea' eskatu dio oposizioari

Mohamed Mursi Egiptoko presidenteak "ezberdintasun politikoak gainditzeko" eta "eskuak batzeko" eskatu die egiptoarrei nazio guztiari zuzendutako agerraldi batean.

Era berean, eta nahiz eta adierazpen askatasuna errespetatuko zuela iragarri, "hilketarik edota istilurik" onartuko ez duela azaldu du. Zentzu horretan, joan den asteartean presidentearen beraren autoa erasotzea leporatu die manifestariei.

Istiluak

Mohamed Cursi Egiptoko presidentearen aldekoek eta aurkakoek istiluak eragin dituzte Zagazig hirian dagoen buruzagiaren etxebizitzaren inguruan.

Poliziak gas negar-eragilea erabili du bertaratutakoak Zagazigeko Unibertsitateko Ospitaletik aldentzeko helburuarekin, erietxea Mursiren etxebizitzatik gertu baitago, 'Al Masry al Youm' egiptoar egunkariak azaldu duenez.

Protesta horiek asteazken arratsaldean piztutako biolentziaren aurkako erreakzioa dira, egun horretan, Heliopolis auzoan dagoen presidentearen Jauregi ofizialaren aurreko protestetan, zazpi hildako eta ehundaka zauritu izan baitziren.

Gainera, gaur egungo Gobernuaren aldekoa den Anai Musulmanen taldeak asteazkeneko istiluetan parte hartu zuten oposizioaren aldeko 83 "gorila" atxilotu zituztela jakinarazi dute. Dirudienez, atxilotutakoek sei lagunen heriotzen arduradunak direla onartu omen dute.

Erasoa Anai Musulmanen aurka

3.500 pertsona inguruk Kairoko ekialdean dagoen Anai Musulmanen egoitza erasotu dute ostegun gauean, eta bertako leihoak eta altzairuak apurtu dituzte, Mena agentzia ofizialak eta taldeak berak salatu dutenez.

Bere webgunean, kofradiak "eraso terroristatzat" jo du gertatutakoa, eta Mahmud Husein talde islamistako idazkari nagusiak Ahmed Gamal Barne ministroari leporatu dio gertatutakoaren erantzunkizuna.

Armada eta Gobernua

Mohamed Mursi egiptoar presidentea Armadaren buruarekin eta Gobernu-kideekin batu da ostegun honetan, herrialdea egoera baketsu batera eramateko asmoz. Mursiren aldekoen eta aurkakoen arteko istiluek zazpi hildako eta 350 zauritu inguru eragin dtuzte ostegun honetan.

Gobernuak komunikatu batean azaldu duenez, Mursi Abdel Fattah Armadako buruzagi eta Defentsa ministroarekin, Hisham Kandil lehen ministroarekin eta Justizia eta Barne Ministerioko kideekin batu da.