Mundua -
DSK auzia
Strauss-Kahnek akordio bat egin du AEBetako hoteleko langilearekin
Oraingoz, akordioa hitzezkoa da, eta ez dute jakinarazi zenbat ordaindu duen ustez bortxatu zuen emakumearekin hitzarmena lortzeko.
Erredakzioa
Dominique Strauss-Kahn Nazioarteko Diru Funtsako (NDF) zuzendari ohiak akordio bat egin du bortxatzea leporatu zion New Yorkeko hoteleko emakumearekin, horrela salaketa bertan behera gera dadin, The New York Times egunkariak zabaldu duenez.
Strauss- Kahn eta Nafissatou Diallo langilearen abokatuek Bronx auzoan dagoen New Yorkeko Auzitegi Gorenean egingo dute agerraldi bat, Douglas E. McKeon epailearen aurrean, ika-mika konpontzen saiatzeko, beti ere aipatutako egunkariaren arabera, akordioa ezagutzen duten iturriak aipatuta.
Hala ere, bi aldeek ez dute oraindik akordiorik sinatu epaitegiaz kanpoko inolako akordiorik, hori dela eta, akordioa hitzezkoa da momentuz, eta ez dute jakinarazi zenbat diru ordaindu duen ituna ustez bortxatu zuen emakumearekin egiteko.
DSKren kontrako auzi mediatikoa, izen hori erabiltzen dute hedabideek politikari frantziarra aipatzeko, iazko maiatzean hasi zen, New Yorkeko John F. Kennedy aireportuan atxilotu zutenean, Parisera zihoala, eta Poliziak Dialloren bortxaketa salaketa ezagutu ostean.
Geroago, New Yorkeko epaile batek ezeztatu egin zuen DSK-k salaketa bertan behera uzteko eskaera, immunitate diplomatikoa zuela argudiatuta.
