Mundua -
Bake-negoziazioaren prozesua
FARC, su-etena betetzearen alde baina erasoei erantzuteko prest
Habanan Kolonbiako Gobernuarekin egiten ari diren bake negoziazioetan, bakearen eta justizia sozialaren aldeko konpromisoa berretsi dute.
Erredakzioa
FARCek (Indar Armatu Iraultzaile Kolonbiarra) azaroaren 20an iragarri zuten su-etenarekiko "erabateko konpromisoa" berretsi dute, baina eraso egiten badiete, "defendatzeko eskubidea" izango dutela gaineratu dute.
Habanan argitaratu duten ohar batean, Indar Armatu Iraultzaile Kolonbiarrek Caloto Cauca herrian borrokaldi simulazioa egitea egotzi diote Armadari, gerrillari su-etena ez betetzea leporatzeko asmoz.
"Ez FARCeko borroka unitateek, ezta Boliviako miliziek ere, ez zuten data horretan operaziorik egin. Armadaren pantomima arriskutsua izan zen, eta zorionez, ez zen harago joan", dio taldeak Ruben Zamora gerlariak irakurri duen adierazpenean.
Bake elkarrizketak hasi zirenetik egin duten bezala, Habanako Biltzar Jauregiaren sarreran irakurri dute adierazpena, bertan Kolonbiako Gobernuko ordezkarien eta FARCen arteko negoziazioak jarraitzen baitute.
