Mundua -
Indarkeria
Siria 'egiazko gerra egoera' batean bizi dela esan du Al Asadek
Horixe iragarri du presidenteak Gobernu berriaren kargu hartze ekitaldian. Bestalde, NBEk Sirian dituen behatzaileen lanak bertan behera uztea erabaki du, indarkeria ez baita amaitzen.
Erredakzioa
Bachar Al Asad Siriako presidenteak adierazi du Siria "egiazko gerra egoera batean" bizi dela, herrialdeko Gobernu berriaren kargu hartze ekitaldian.
"Egiazko gerra egoera bat bizitzen ari gara, ezaugarri guztiekin", azpimarratu du buruzagiak.
Ildo honetan, "Gobernuaren politika guztiak gerra hau garaitzera bideratuko ditugu", esan du.
Nazio Batuen Erakundeak Sirian dituen behatzaileen lanak bertan behera uztea erabaki du indarkeria ez baita amaitzen. Erakundearen datuen arabera, 11.000 lagun inguru hil dira 2011ko martxoan Al Asaden erregimenaren aurka protestak hasi zirenetik.
