Shafiq jeneral erretiratuak ere Egipton garaipena lortu duela esan du

Ahmed Sarhanek, Ahmed Shafiq Egiptoko hautagaiaren bozeramaileak, militar erretiratuak presidentetzarako hauteskundeak irabazi dituela esan du, botoen % 51,5 lortuta, eta Anaia Musulmana aurkariari hauteskundeen datuak aldatzea leporatu dio.

Sarhanek esan duenez, Shafiqek 500.000 botogatik irabazi dio Mohamed Mursi Anaia Musulmanen hautagaiari. Azken horrek ordu batzuk lehenago ere hauteskundeak irabazi zituela esan zuen.

Bozeramailearen ustez, talde islamistak bere emaitzen bidez, "iskanbila sortu du komunikabideetan", bertan ateratako datuak alderdi horrek emandakoak baitira zati handi batean.