Mundua -
Bilera, arrakastarik gabe
Greziako alderdi nagusiek Gobernua eratzeko lan egiten jarraituko dute
Presidentearen eta alderdiburu nagusien arteko azken bilerak ez du arrakastarik izan. Inkesta baten arabera, Muturreko Koalizio Ezkertiarrak irabaziko lituzke hauteskunde berriak.
Erredakzioa
Carolos Papulias Greziako presidentearen eta alderdi nagusien buruzagien arteko bilera arrakastarik gabe amaitu da larunbat honetan,baina negoziatzen jarraitzeko prest azaldu dira. "Negoziazioei eustenjarraituko dugu", esan du Andonis Samaras Demokrazia Berriko buruakSkai telebista kateari.
hauteskunde berrien deialdia bilatu izanaOrdura arte, Gobernu bat sortzeko Pasok eta Dimar alderdiak hasierako akordio batera iritsi dira eta konpromiso horien arabera, Grezia eurogunearen barnean mantenduko eta Europar Batasunarekin hitzartutako doitasun akordioak berriro negoziatzea eskatuko lukete.
Papuliasek bilera-sortarekin jarraitu du igande honetan: Greziar Independenteak eskuindar alderdiarekin, Alderdi Komunistaren, Urrezko Egunsentia alderdi neonaziarekin eta Dimar alderdi zentro-ezkertiarrarekin batzartu da gaur Greziako presidentea.
Muturreko alderdi ezkertiarra, irabazle
Bestalde, SYRIZA muturreko alderdi ezkertiarrak hauteskunde berriak irabaziko lituzke, Kapa Researchek 'Vima' egunkarirako egindako inkesten arabera. Alderdi honek botoen % 20,5 eskuratuko luke eta Demokrazia Berriari gailenduko lioke. Gauzak horrela, 50 diputatu lortuko lituzke. SYRIZA alderdia nazioarteko erreskatearen aurka dago.
Demokrazia Berriak, berriz, botoen % 18,1 lortuko luke eta Pasokek, ordea, botoen % 12,2.
