Mundua -
93 urte ditu
Nelson Mandela Hegoafrikako presidente ohia ospitaleratu dute
"Denbora luze" darama Hegoafrikako buruzagi ohiak "sabeleko arazoekin". BBC telebista kateak jakitera eman duenez, Mandelari ebakuntza egin diote baina haren egoera "egonkorra" da.
Erredakzioa
Sabeleko osasun arazoak direla eta, Nelson Mandela Hegoafrikako presidente ohia larunbat honetan ospitaleratu dute, Hegoafrikako Presidentetza bulegoak ohar baten bidez jakinarazi duenez. "Denbora luze" darama 93 urteko Hegoafrikako buruzagi ohiak "sabeleko arazoekin".
Gauzak horrela, Presidentetzako bozeramaile batek BBC telebista kateari jakinarazi dionez, Mandelari ebakuntza egin diote eta ondoren, haren egoera "egonkorra" da eta "onik eta alai" dago.
"Laster onera egitea espero dugu eta hegoafrikar guztien eta mundu osoaren maitasuna eta itxaropenak helarazi nahi dizkiogu", esan du Presidentetzak agiri horren bitartez. Halaber, "Madibaren eta haren familiaren pribatutasuna errespetatzea eskatzen dugu", gaineratu du oharrak. Mandelari eskainitako izengoitia da Madiba.