Mundua -
Libia
Matxinoek Mutassim Gadafi Libiako buru ohiaren semea atxilotu dute
Libiako buruzagi ohiaren semea Sirten, Muamarren jaioterrian, atxilotu dute, familiarekin handik auto bidez irteten saiatzen ari zenean.
Erredakzioa
Matxinoek Mutassim, Gadafiren semea, atxilotu dute Sirten, Muamar Gadafi Libiako buru ohiaren jaioterrian, matxinadako buruek jakitera eman dutenez.
Mutassim Gadafi asteazken goizean atxilotu dute, familiarekin batera auto bidez handik irteten saiatzen ari zenean.
Hainbat aste borrokan eman ostean, Sirteren zati handi bat hartzea lortu dute administrazioko indarrek; azken egunotan dagoeneko esan zuten Mutassim inguratuta zutela.
Mustah Hamza komandanteak adierazi duenez, Sirteren % 80 kontrolpean dute, eta Gadafiren aldekoek bi auzo (Numero Dos eta Dolar) besterik ez dituzte erresistentzia gune bezala.
