Mundua -
Urteurrena
Zapatero eta Obama, ospakizun gutxiko urtebetetzea
Presidenteek 51 eta 50 urte beteko dituzte, hurrenez hurren. Hala ere, ez dute ospakizunik egiteko astirik izango; izan ere, Zapaterok merkatuei begiratuko die eta Obamak dirua biltzen jarraituko du.
Erredakzioa
Jose Luis Rodriguez Zapatero Gobernuko presidenteak 51 urte beteko ditu gaur, bere bizitza politikoko unerik larrienetako batean. Krisi ekonomikoak eta Espainiako zorrak eragin duten tentsioak ez dio ospakizunik egiteko astirik utziko presidenteari; izan ere, merkatuei begira egon eta Europako Banku Zentralaren bileraren berri jaso beharko du. Barack Obamak, berriz, 51 urte beteko ditu gaur. Bere hirian, Chicagon, 2012ko hauteskundeetarako dirua biltzeko hainbat ekitaldirekin beteko du eguna.
Iaz, Zapaterok familiarekin ospatu zuen 50. urtebetetzea, Leongo San Marcos ostatuan. Aurten, berriz, arrisku sariari eskaini beharko dio arreta guztia.
Moncloatik adierazi dutenaren arabera, oraindik ez dakite presidenteak sendiarekin biltzeko astirik izango duen edo, iaz Obamari gertatu zitzaion bezala, urtebetetzea bakarrik ospatu beharko duen.
Obamari, behintzat, Jennifer Hudson Grammy saria jaso zuen abeslariak "Zorionak zuri" abestu dio.