Mundua -
Serbia
Ratko Mladic Hagara eraman dute, estradizioa onartuta
Auzitegiak Mladicen abokatuaren helegitea errefusatu du. Ondorioz, komandante ohi serbiar-bosniarra Nazioarteko Zigor Auzitegiaren aurrean eramango dute.
Erredakzioa
Ratko Mladic jeneral ohiaren hegazkinak Rotterdameko (Holandako hegoaldea) aireportuan lur hartu du gaur. Serbiako hegazkin ofiziala Belgradotik abiatu da.
Milos Saljic Ratko Mladicen abokatuaren helegitea errefusatu du Gerra Krimenen Belgradoko Auzitegiak. Horrela, Jugoslaviarako Nazioarteko Zigor Auzitegiak ustezko gerra-kriminalaren estradizioa onartu du.
B92 irrati independente serbiarra egindako elkarrizketan, Mladicen abokatuak aurkeztutako helegiteak ez zuela inolako oinarririk&' || 'nbsp;azaldu du Bruno Vekaric gerra-krimenaren fiskal laguntzaileak.
Behin defentsaren errekurtsoa baztertuta, auzitegiak Snezana Malovic Justizia ministroari emango dio kasua, estradizioari buruzko azken erabakia hartu dezan.
Horretarako, fiskal laguntzailearen aburuz, segurtasunarekin lotutako zenbait auziak aintzat hartu beharko ditu Gobernuak. Vekaricek zehaztu duenez, estradizio prozesua hiru egunetako epean, gehienez, amaituko da.
