Mundua -
NDFko zuzendariaren profila
Biografia: Strauss-Kahn, ekonomian aditua eta goi mailako politikaria
Dominique Struass-Kahn Nazioarteko Moneta Funtsako zuzendaria da, Frantziako Ekonomia eta Finantza ministro ohia (1997-1999) eta alderdi sozialistako lehen mailan dago azken urteetan.
Erredakzioa
Straus-Kahn Frantziako Neuilly herrian&' || 'nbsp; jaio zen 1949ko apirilaren 25ean; adituen iritziz ekonomia arloan berebiziko dohaina du. Erreformista pragmatikoa eta negoziatzaile trebea, bere burua "sozialdemokrata moderno" moduan definitzen du.
Ospe handiko Goi-mailako Komertzio Ikasketen eskolan diplomatua eta zientzia politikoetan eta zuzenbidean lizentziatua da. Bere ibilbide poiltikoa 1986ean hasi zuen, Frantziako Alderdi Sozialistako diputatu hautatu zutenean.
Hainbat karu bere gain hartu ondoren, 1999ko urrian Frantziako prentsak Strauss-Kahn gezurrezko abokatu lan batez onurak ateratzeaz akusatu zuten. Akusazioak gezurtatu eta kargua utzi zuen; "dokumentu faltsuak erabiltzea" egotzita prozesatu zuten, baina azaroaren 7an Justiziak absolbitu egin zuen.
2004ean Alderdi Sozialistako zuzendaritzan sartu zen eta 20026ean hurrengo urteko hauteskunde presidentzialetarako ordezkari sozialista hautatzeko primariotara aurkeztu zen; Segolene Royalen ondoren, bigarren gelditu zen. 2007an Rodrigo Rato espainiarra ordezkatu zuen Nazioarteko Moneta Funtseko zuzendaritzan. 2008an beste eskandalu batek zipriztindu zuen, bere karguaren azpitik zegoen emakume batekin izandako jarrera "desegokia" zela eta hainbat kargu leporatu baitzizkien; azkenean guztietatik aske utzi zuten.
Inkesten arabera 2012ko hauteskunde presidentzialetarako bera da hobekien ikusita dagoen politikari sozialista, nahiz eta Strauss-Kahnek oraindik ez duen baieztatu primarioetara aurkeztuko denik.
Lau seme-alaben aita, hirugarren aldiz dago ezkonduta; oraingoan Anne Sinclair telebistako kazetari frantziarrarekin.