Alarma Japonian, itsasoan atzemandako erradioaktibitatea dela eta

Fukushimako zentralaren inguruan atzemandako iodo erradioaktiboak segurtasun muga 3.355 aldiz gainditzen duela adierazi du Segurtasun Nuklearraren Japoniako Agentziak.

1 eta 4 erreaktoreetatik 330 metro hegoaldera hartutako laginek iodoaren 131 isotopoa azteburuaz geroztik neurrigabe hazi dela frogatu dute.

Segurtasun Nuklearraren Agentziaren arabera iodoaren 131 isotopoa zortzi eguneko epean galtzen da eta itsasoan eragin ditzakeen kalteak txikiak direla adierazi du, gainera inguru horretan arrantzan egitea debekatuta dagoela azaldu dute.

Zentrala mendean hartzeko aukera desberdinak

Fukushimako zentral nuklearra mendean hartzeko "aukera guztiak" aztertzen ari direla adierazi dute Japoniako agintariek eta litekeena da komunikabideek argitaratutako hainbat neurri martxan jartzea.

Fukushima inguruan erradioaktibitatea atmosferara zabaldu ez dadin oihal berezi bat ezarri nahi du Japoniako Gobernuak eta horrez gain kutsatutako ura biltzeko itsasontzi handi bat erabili ala ez aztertzen ari dira.

TEPCO enpresako presidentea ospitalean

Tsunehisa Katsumata zentrala kudeatzen duen TEPCO konpainiako presidentea Tokioko ospitale batean ingresatu dute arteria-presio handia pairatzen zuelako.

Katsumatak 66 urte ditu, Fukushimako krisia hasi zenetik ia agertu ere ez da egin.

30 metrorainoko olatuak

Azken balantze ofizialaren arabera martxoaren 11ko lurrikara eta tsunamiaren eraginez gutxienez 11.232 dira hildakoak eta 16.361 herritarrek desagertuta jarraitzen dute.

Ofunato hirian olatuek 30 metrorainoko altuera hartu zutela frogatu du Tokioko Yokohama Unibertsitateko ikerlari talde batek.

29,6 metroko garaieran daude tokietan jaso dituzte arrainak.