Mundua -
Alarma nuklearra Japonian
Fukushimako erradiazioak bi asteko epean emango dio munduari itzulia
Erradiazioa zentral nuklearreko lanak zailtzen ari da, baliteke 3. erreaktorea kaltetuta egotea. 20-30 kilometroko eremuan bizi diren herritarrei etxeak uzteko gomendioa egin diete agintariek.
Erredakzioa
Lurrikara izan eta astebete beranduago Kalifornian erradiazioaren maila areagotu zela frogatu zuten, joan den astean, berriz, partikula erradiaktiboak Islandiaraino heldu ziren.
Japoniako Kiodo agentziak elkarrizketatutako iturri batzuen arabera, datozen egunetan kutsadura erradioaktiboa europako lurraldeetara helduko da eta bizpahiru asteko epean mundu osoari emango dio itzulia. Baina azpimarratu dute osasunean ez duela kalterik egingo.
Erradiazioa Fukushimako lanak zailtzen
Erradiazio maila altua Fukushimako beharginen lana zailtzen ari da, ohikoa baino 10 mila aldiz handiagoa den erradiazio maila atzeman diote urari.
Neurketek 3. erraktorearen inguruan erradioaktibitate handia atzeman dute eta zerbait kaltetuta egon daitekeela frogatzen ari dira eta Segurtasun Nuklearrerako Agentziaren arabera erreaktoreko edukiontzia edota balbulak kaltetuta egon daitezke.
Zentral Nuklearretik 20-30 kilometrora bizi diren biztanleei etxeak uzteko gomendioa egin die Yukio Edano Japoniako Gobernuko bozeramaileak. Baina, segurtasun eremua 20 kilometrotik haratago zabaltzea baztertu dute.
Biktimen balantzea
Dagoeneko 10.000 baino gehiago dira hildakoak eta 17.541 lagunek desagertuta jarraitzen dute.
