Horrela igaro da eguna Japonian

21:33 Erradiazio mailak neurtzeko taldeak bidali ditu AEBek.

21:07 Lau hilabeteko haurtxo bat erreskatatu dute hondakinen artean.

20:54 Diputatuen Kongresuak elkartasuna adierazi dio Japoniako enbaxadoreari.

20:25 Japoniako hondamendiaren eragin ekonomikoak BPGren % 2 gaindituko duela uste du Ekonomia-Lankidetza eta Garapenerako Erakundea.

20:13 Japoniako krisi nuklearrak Europako burtsen beherakada eragin du.

19:46 Japoniako egoera jarraitzeko talde bat sortu du Espainiako Gobernuak.

19:35 Espainiako herritarrak ebakuatzeko dispositiboa martxan jarri du Gobernuak.

18:52 Fukushimako ezbeharra "apokalipsia" dela adierazi du Bruselak.

18:07 Fukushima-1 zentralaren sei erreaktoreetan nukleoaren fusioa gerta daitekeela ohartarazi du Errusiako energia nuklearraren buruzagiak.

18:02 Egungo erradiazio maila TAC batek eragiten duena bezalakoa da.

17:39 Bere portuetako erradiazio mailak kontrolatuko ditu Txinak.

17:14 Fukushimako zentral nuklearraren inguruan 30 kilometroko debekupeko aire-eremua ezarri du Japoniak.

17:02 Laino erradiaktibo baten beldur dira Vancouverreko (Kanada) bizilagunak eta botikak pilatzen ari dira.

16:48 Fukushima 1 zentralaren laugarren erreaktorean ura ponpatzen hasiko dira bi edo hiru egun barru.

16:45 Astelehenean izandako leherketak Fukushima 1eko erreaktoreko ur-tanga nagusia kaltetu ahal izan zuen, Energia Atomikoaren Nazioarteko Agentziaren hitzetan.

16:38 Japoniako zentral nuklearrak seguruak dira, Fukushimakoa izan ezik, Energia Atomikoaren Nazioarteko Agentziaren esanetan.

16:22 Fukushimako ezbehar nuklearraren maila 6an kokatu du Frantziak, 7ko eskala batean.

16:07 Larrialdi nuklearra dela-eta Austriako enbaxada Tokiotik Osakara lekualdatu dute.

15:56 Erradioaktibitate txikiari aurre egiteko neurriak hartzea eskatu die langileei AEBetako Armadak.

15:46 Japoniako Sari Nagusia urriaren 2ra arte atzeratu du Nazioarteko Motoziklismo Federakundeak.

15:32 Alemaniako berriemaile gehienek Tokiotik alde egitea erabaki dute.

15:26 70 urteko emakume bat erreskatatu dute lurrikararen ondorioz 92 ordu harrapatuta pasa ostean.

15:19 Japoniako arrisku nuklearra "ez txikiagotzeko" eskatu du Nicolas Sarkozy Frantziako presidenteak. "Japonian gertatutakoa erabat dramatikoa da", erantsi du.

15:13 Krisi nuklearraren aurrean "odol hotza" eskatu die G8ko bazkideei Japoniak.

15:05 Japoniako ekialdea astindu du sei graduko lurrikara berri batek.

14:55 10.000 lagun hil dira eta 25.000 lagun erreskatatu dituzte Japonian.

14:46 Sutea itzali ostean erradiazioak nabarmen behera egin duela esan du Energia Atomikoaren Nazioarteko Agentziak (OIEA).

14:38 Ezbehar nuklearren nazioarteko eskalan 6. mailara (1etik 7ra doa) heldu da Japoniako krisia.

14:19 Lufthansa Alemaniako airelineak, Europako konpainiarik handiena, Tokiorako hegaldiak bertan behera utzi ditu aldi baterako.

14:07 Martxoaren 31ra bitartean, Japoniako bidaiak bertan behera uztea erabaki dute Frantziako bidaia-agentziek, hondamendi nuklearra izateko arriskuaren aurrean.

13:35 Nazioarteko Gertakari Nuklearrak batetik zazpira neurtzen dituen eskalan 6. maila hartu du Japoniakoak.

13:12 Japoniako agintariak 150 hiritarrek duten erradioaktibitate maila aztertzen ari dira eta 23ri kutsadurari aurre egiteko neurriak ezarri dizkiete.

13:09 Azken balantze ofizialaren arabera 3.373 dira lurrikara eta tsunamiaren ondorioz hildakoak eta 6.746 kidek desagertuta jarraitzen dute.

12:24 Haizearen eraginez partikula erradioaktiboak ozeanorantz barreiatzen ari direla adierazi du Meteorologiaren Munduko Erakundeak

11:57 Richter eskalan 6,3 maila hartu duen beste erreplika gogor batek astindu du Fukushima ingurua.

11:49 1980 urtea baino lehen martxan hasi ziren zentral nuklearrak itxiko dituztela jakinarazi du Angela Merkel Alemaniako kantzilerrak.

11:47 Haizea partikula erradioaktiboak barreiatzen ari da Japonia eta inguruko lurraldeetan.

11:34 Thailandia e Indonesia han adoptado medidas preventivas contra la radiactividad en respuesta a la emanación detectada en la central de Fukushima.

11:28 Lurrikarak 130.000 milioi euro inguruko galera ekar dezake Japonian.

10:59 Segurtasun Nuklearrerako Kontseiluak Japoniara ez bidaiatzeko gomendioa egin du.

10:57 Japoniako burtsaren ezkortasuna europako merkatuetan kutsatu da eta indizeek jaitsiera handiekin hasi dute saioa.

10:26 Europar Batasuna zentral nuklearren segurtasuna aztertzen ari da.

10:05 Japoniako Gobernuak Fukushimako zentralaren 20 kilometroko erradioan bizi diren biztanleak ebakuatu dituela esan du Osasunaren Munduko Erakundeak.

09:37 Japonian hondamendi nuklearra izateko arriskua "oso handia" dela esan du Frantziak.

09:11 Tokioko Burtsako Nikkei indizeak % 10,55 egin du behera. Historian izandako hirugarren jaitsierarik handiena da. 07:47 Angela Merkel Alemaniako kantzilerra hiru zentral atomiko istea aztertzen ari da. 07:43 Tokion ohikoa baino hamar aldiz handiagoa den erradiazio maila neurtu dute.

07:35 4. erreaktorean izandako sutearen ondorioz atmosferara erradioaktibitatea isuri dela adierazo diote Japoniako agintariek OIEAri.

07:28 Haizeak Japonia barnealderantz darama erradiazioa.

06:38 Japoniako Gobernuak aire eremua itxi du Fukushimako zentralaren gainean, 30 kilometroko erradioan.

06:35 Ehunka hiritar elikagaiak biltzen hasi dira Tokion isolatuta geldituaz gero aurrera egiteko.

06:33 Lurrikararen eta tsunamiaren ondorioz gutxienez 2.475 pertsona hil dira eta 3.118 desagertuta daude.

05:24 Japoniako Bankuak hiru bilioi yen geihago injektatu ditu (26.228 milioi euro).

04:46 Hidrogeno eztanda izan da Fukushimako 4. erreaktorean. Lurrikaraz geroztik zentralak izan duen laugarren eztanda da.

04:35 Kanagawa zentralean ohikoa baino bederatzi bider altuagoa da erradiazio maila.

03:59 Japoniako lehen ministroak Fukushimako zentralean isuri erradioaktiboa egon daitekeela onartu du.

03:36 Fukushimako 4. erreaktoreak su hartu du.

03:32 "10 orduko epean" erradiazio partikulak Tokiora helduko direla uste du Frantziako enbaxadak.

02:21 Japoniako Bankuak beste bost bilioi yen (43.719 milioi euro) injektatu ditu ekonomian finantzen egonkortasuna bermatzeko. 02:15 Gutxienez 2.414 pertsona hil dira eta 3.100 desagertuta daude.

02:12 2. erreaktorean izan den nukleoaren fusioaren ondorioz isuri erradioaktibo baten beldur da zentrala kudeatzen duen enpresa. 00:33 Fukushimako zentralean beste leherketa bat izan da. 2. erreaktorean jazo da leherketa.