Mundua -
Iraultza demokratikoa Egipton
Horrela eman dugu Mubaraken dimisioaren berri
- Erabakia "herrialdearen egoera zailagatik" hartu dutela esan du Omar Suleiman presidenteordeak.
- Erabakia ospatzen ari dira Tahrir plazan bildutako manifestariak.
Erredakzioa
19:16 Egiptoko herritarren ahotsa entzun dela esan du Ban Ki-moon NBEko idazkari nagusiak.
19:09 Presidentearen dimisioa "diktadorearen aurkako garaipen handia" dela esan du Ayman Nur oposizioko hautagai ohiak.
19:07 Anai Musulmanak mugimenduak "herriaren garaipen baketsua" goraipatu du.
18:55 Mubaraken dimisioak trantsizio demokratikoa erraztuko duela uste du Trinidad Jimenez Espainiako Atzerri ministroak.
18:25 Palestinarrak laguntzeko eskatu dio Egiptoko Gobernu berriari Hamasek.
18:20 Ospakizunek jarraitzen dute Kairoko Tahrir plazan.
18:07 Gobernua eta Parlamentuko bi ganberak desegingo ditu Armadak, eta Auzitegi Konstituzionaleko presidentearen bidez gobernatuko du.
18:03 Mubarakek herritarren eskakizunak "entzun" dituela esan du Catherine Ashton EBko diplomaziaren buruzagiak.
17:57 "Esklabutza eta autoritarismo garaia" amaitu dela ziurtatu du Apirilaren 6ko Gazteen mugimenduak.
17:54 Tahrir plaza festa bat da.
17:46 Mohamed ElBaradei oposizioko buruzagiak Mubaraken dimisioa ospatu du Twitterren bidez: “Herria aske da".
17:41 Burtsek igoerekin hartu dute Mubaraken erabakia.
17:39 Milaka lagun Tahrir plazara hurbiltzen ari dira Mubaraken dimisioa ospatzeko.
17:38 Mubarakek Armadaren eskuetan utzi du boterea.
17:24 Erabakia ospatzen ari dira Tahrir plazan bildutako manifestariak.
17:20 Hosni Mubarak Egiptoko presidenteak dimititu eta Armadaren eskuetan utziko du boterea, Omar Suleiman presideteordeak jakitera eman duenez.
