Eskura duen informazioaren % 0,5 baino ez du filtratu Wikileaks-ek

Orain arte 1.269 agiri diplomatiko filtratu dituela esan du gaur Wikileaks webguneak, eskura duen informazioaren % 0,5 besterik ez.

Guztira, munduko AEBetako enbaxadetako 251.287 dokumentu ditu Wikileaks-ek. Informazioa argitaratzeak Washingtonen kritikak jaso ditu eta Amerikako Estatu Batuetako diplomazioaren sekretuak agerian utzi ditu.

Dokumentuak igortzeko erritmoa mantentzen badu, Wikileaksek sei urte eman ahal izango ditu informazioa zabaltzen. Atariak nazioarteko bost egunkariri ematen dizkio dokumentuak: El País, Le Monde, Der Spiegel, The Guardian eta The New York Times.