Irlandak bere kasa galdu zuen subiranotasun ekonomikoa

Irlandak, Europaren laguntzarekin nahiz gabe, erabateko egokitzapen ekonomikoa egina beharko luke. Irlandaren arazoa, krisian dauden hainbat herrialdeena bezala, bere aukeren gainetik bizi izana da. Hamarkada batean, Europako herrialderik pobreena izatetik, itxuraz aberatsenetako bat izatera pasa da Irlanda.

Bertako errenta per kapitak Alemaniakoa gainditu du, Dublingo apartamentu bat Parisgo bat baino garestiagoa da eta gutxieneko soldata irlandarra Europako bigarrena da, historikoki baxuenetako bat izan ostean.

Are gehiago, Europako Batasuneko sozietateen gaineko zergarik baxuena izateaz gain, gizarte-prestazio ugari du. Trikimailua, honakoa: lortutako diru-sarrerak baino gehiago gastatzea eta kreditu bidez bizirautea. Zulaketa iristen den arte. Inor ez da Irlandaz fio eta diru gehiago nahi badu, neurri gabeko interes tasa ordaindu behar du. Erreskatea une horretan bertan da beharrezkoa.

Europak mailegua egingo dio Irlandari, % 5 inguruko interes tasarekin, eta horrek gizarte-gastuak murriztu eta sarrera fiskalak handitu beharko ditu, noski. Europaren laguntzarik gabe neurri berak hartu beharko lituzke, baina erreskate mekanismo hori gabe, interes-tasek % 10a gaindituko lukete.