Siriako Gobernuak eta matxinoek gaur hartuko dute parte konferentzian

Bachar al Asad Siriako presidentearen Gobernu ordezkaritza eta matxinoen talde negoziatzaileak Kazajistango hiriburura, Astanara, iritsi ziren igandean, gaur bake konferentzian parte hartzeko. Errusiak eta Turkiak bultzatu dute batzarra.

Abdul Hakim Bachar Siriako Koalizio Nazionaleko presidenteordeak Eferi Internet bidez adierazi zionez, oposizioko ordezkaritza hainbat fakziotako 39 pertsonek osatzen dute, Siriako Armada Librearen aterkipean. Atzo goizean iritsi dira Astanara.

Bacharrek kontsultari politiko moduan parte hartuko du ordezkaritzan, CNFROSeko (Siriako oposizioko talde politiko nagusia) beste kide batzuekin batera. Astanara iristean, taldea bihar hotel batean izango diren negoziazioetarako prestatuko dela nabarmendu du, baina ez du konferentziako agendari buruzko xehetasun gehiago eman.

Bestalde, Gobernuaren ordezkaritzak, Bachar al Yafari NBEk Sirian duen enbaxadorea buru duela, eguerdi aldera iritsi ziren, talde negoziatzaileko iturri batek jakinarazi zuenez.