Eurokopan atentatzeko asmoa zuen frantziar bat atxilotu dute Ukrainan

Eurokopan atentatzeko asmoa zuen frantziar bat atxilotua izan dela egiaztatu du gaur Vasil Hricaj Ukrainako Segurtasun Zerbitzuetako buruak. Eurokopa ekainaren 10ean hasiko da eta uztailak 10 bitartean ospatuko da Frantzian.

Hricajek jakinarazi duenez, atxiloketa joan den maiatzaren 21ean eman zen, Jagodyn hirian, Poloniako mugatik gertu. M6 frantziar telebista kateak ostiralean eman zuen 25 urteko susmagarri baten atxiloketaren berri, eta orduan esandakoaren arabera, arma mordoa zuen bere ibilgailuan, besteak beste, suziri-jaurtitzaileak, lehergaiak eta Kalashnikov fusilak.

Atxilotuak 15 eraso terrorista egiteko asmoa zuen Eurokopan, meskita, sinagoga, zerga administrazio eta errepideko kontrolen aurka, Ukrinform albiste agentziaren arabera.

Frantziak segurtasun neurriak areagotu ditu Eurokopari begira, Paris eta beste hiri nagusietan ospatuko den futbol zelaietan eta zaleen guneetan.