Mundua -
Ekialde Hurbila
Bi palestinar zaurituak Gazan, Israelen seigarren bonbardaketan
Palestinar jaurtigai batek Tailandiako emigratzaile bat ostegunean hil zuenetik, Gazako Zerrenda bonbardatzen ari da gauero Israeleko abiazioa.
Erredakzioa
Bi palestinar zauritu dira gauerdian Gazako Zerrendan, Yabaliako errefuxiatu eremutik gertu, Israelen seigarren bonbardaketan, Israeleko Armadak aditzera eman duenez.
Irmotasunez erantzun dio Israelek horrela, ostegunean, martxoak 18an, palestinar jaurtigai batengatik hil zen emigratzaile tailandarraren heriotzari.
Israeleko Armadak ohar batean baieztatu duenez, identifikatu gabeko "armamentu biltegi" baten jo dute.
Ostegunetik, hamaika kohete jaurtiki dituzte Israelen aurka Gazatik, Israeleko Armadaren arabera. Tailandar emigratzailea izan da palestinar jaurtigaiek hil duten lehen pertsona, 2008ko abendutik 2009ko urtarrilera izan zen Gazaren aurkako erasoalditik.