Repsolek onartu egin du YPFren nazionalizazioaren inguruko akordioa

Repsolen Administrazio Kontseiluak onartu egin du Argentinako Gobernuak YPF nazionalizatu ostean kalte-ordain gisa jaso beharrekoaren inguruan egindako akordioa.

Bart onartutako akordioak oraindik Repsoleko akziodunen eta Argentinako Kongresuaren oniritzia behar du.

Adostutako neurrien arabera, Argentinak 5.000 milioi dolar (3.700 milioi euro) emango dizkio Repsoli, mekanismo batzuen bitartez.

Era berean, abian dauden prozesu judizial guztiak bertan behera uztea eta etorkizunean erreklamazioak egiteko aukerari uko egitea adostu dute.