Mundua -
Italia
Bi urteko gaitasungabetzea ezarri diote Silvio Berlsuconiri
Italiako lehen ministro izandakoari bost urteko gaitasungabetzea ezarri zioten Mediaset auzian, baina orain epaitegi batek zigor hori bi urtera murriztu du.
Erredakzioa
Milango apelazio auzitegiak bost urtetik bira murriztu du Silvio Berlusconiri ezarritako gaitasungabetze-zigorra, Mediaset auzian.
Laura Bertole fiskalak eskatu zuen zigorraren murrizketa eta gaur goizean egindako saioan hala egitea erabaki dute epaileek.
Italiako legediaren arabera, iruzur fiskalagatik ezarritako gaitasungabetze-zigorrak urtebete eta hiru urte artekoak izan daitezke.
Berlusconik aurrekari penalik ez dituela kontuan hartuta, zigorrik txikiena (urtebetekoa) ezartzea eskatu zuten haren abokatuek. Gauzak horrela, oso litekeena da Berlusconirek abokatuek Auzitegi Gorenera jotzea murrizketa hori lortzeko asmoz.
