Mundua -
Heriotza-zigorra saihesteko
Ariel Castrok biziarteko kartzela-zigorra onartu du
Castroren defentsak heriotza-zigorra saihesteko akordioa lortu du. Hamar urtez Clevelandeko bere etxebizitzan Amanda Berry, Gina De Jesus y Michelle Knight bahituta izatea leporatuta atxilotu zuten.
Ariel Castrok baldintzapeko askatasunik gabeko biziarteko kartzela-zigorra onartu du. Aldez aurretiko bilera batean, defentsa epaiketa eteteko, eta heriotza-zigorra saihesteko akordio batera heldu da Fiskaltzarekin. Castrori 977 kargu leporatzen dizkiote, horien artean 512 bahiketagatik.
Hamar urte gatibu
Hamar urtez Clevelandeko bere etxebizitzan Amanda Berry, Gina De Jesus eta Michelle Knight bahituta izatea leporatuta atxilotu zuten Castro. Clevelandeko gazteak eta bahituta zegoela Berryk izan zuen alabak maiatzean alde egitea lortu zuten.
Epaiketa abuztuaren bosterako prest zegoen, baina akordioaren ondorioz, biktimak ez dira epaimahai aurrean azalduko.
