Silvio Berlusconiri lau urteko espetxe-zigorra baieztatu diote

Mediaset auzian, filmen salerosketan iruzur fiskala egiteagatik Silvio Berlusconi Italiako lehen ministro ohiari lau urteko kartzela-zigorra ezarri diote gaur.

2012ko urriaren 26an igorritako epaia berretsi du Milango epaitegiak erabakiarekin.

Azken sei hilabeteetan epaitegiek Il Cavaliere-ri ezarritako hirugarren zigorra da. 2012ko urrian Mediaset auziko lehen zigorra ezarri zioten, eta 2013ko martxoan Unipol auziagatik urtebeteko espetxe-zigorra ezarri zioten.

Lehen ministroak helegitea aurkeztu zuen, baina alferrikakoa izan da; izan ere, aurreneko zigorra berretsi dute auzitegiek.

Alessandra Galli magistratuak zuzendutako Milango auzitegiak lau urteko kartzela-zigorra eta bost urteko gaitasungabetzea berretsi ditu. AEBetako filmen salneurria puzteagatik zigortu dute. Gainera, dirua atzerrira eramatea egotzi diote.