Mundua -
Leherketak Bostonen
Bi susmagarriren argazkiak argitaratu ditu FBIk
Bi susmagarriak deskribatu ditu FBIk: Gazteak ematen dute, buruak txapelekin estali dituzte, bata txapel beltza eta bestea zuria. Herritarren laguntza eskatu du ustezko bi erasotzaileak aurkitzeko.
Erredakzioa
Bostoneko maratoian bi lehergailuak jarri zituzten bi susmagarriren argazkiak argitaratu ditu gaur FBIk.
Richard DesLauriers ikerketako arduradunak bi susmagarriak deskribatu ditu prentsaurrekoan: Gazteak ematen dute, burua txapelekin estalita dituzte, bata beltza eta bestea zuria. Herritarren laguntza eskatu du ustezko bi erasotzaileak aurkitzeko.
Bi gizonak "armatuak" eta "oso arriskutsuak" direla ohartarazi du FBIko agenteak, nahiz eta informazio konkreturik ez izan.
Barack Obama AEBetako presidenteak Bostongo maratoian egindako erasoaren arduradunei abisu argia eman die: "Aurkitu eta justiziaren aurrera eramango zaituztegu".
Omenaldia
Santa Cruz katedralean egindako zeremonian, terroristek AEBetako balioei eraso egin nahi bazieten, "hiriz okertu" direla ziurtatu du presidenteak.
Hitzaldi hunkigarrria eman du agintariak jendez lepo zegoen tenpluan. Abertzaletasunaren balioak gogorarazi ditu AEBetako presidenteak, eta Boston munduari zabalik bizi den hiria dela esan du.
"Hiriaren arimari dei egiteko gaude hemen", ziurtatu du Obamak, Boston herrialdeko balioen ikurra baita.
AEBetako presidentea hitzaldian. EFE
Bostonek "bere bihotza munduari zabaltzen dio beti... arraza guztietako gizonei", goraipatu du agintariak, hiriko maratoiaren antolatzaileek demostratu bezala.
"Boston, ez dut zalantzarik, berriro korrika egingo duzu, berriz korrika egingo duzu", errepikatu du Obamak txaloen artean.
Zeremoniako une bat. EFE
