Dolu eguna izango dute biharkoa, 28 pertsona hil baitziren larunbatean Shahid Rajai portuan gertatutako leherketan.

Astelehen honetan egingo dituzte hauteskundeak Kanadan. Hainbat independentistek diotenez, oraingoan ez dute bihotzarekin bozkatuko, Kanada librerik gabe Quebec librea ezinezkoa delako.

Ehunka herritar zain zeuden lehen ordutik Santa Maria Nagusia Basilikara sartzeko. Bertan ehorztea eskatu zuen Frantziskok berak, besteak beste, tenplu horrek gordetzen duelako aita santuak asko maitatzen zuen Ama Birjinetako bat ('Salus Populi Romani').

Harrapaketa Lapu Lapu Filipinetako kale jaialdian gertatu da. Autoaren gidaria 30 urteko gizon bat da, eta atxilotu dute dagoeneko. Oraindik ez dute hildakoen kopurua zehaztu.

Italiako iparraldeko Liguriako marmola erabili dute, aita santuaren arbasoen jaioterria delako. Frantziskok bularrean zeraman gurutzearen erreprodukzio handia eskegi dute horman, zilarrezkoa eta Artzain Onaren irudiarekin.

Aita santuaren hileta elizkizunaren egunean, erakunde ekologistako ekintzaileek azaldu dutenez, "gobernuek Frantzisko aita santuaren hileta antzerki hipokrita bihurtzen duten bitartean, Koliseoan pankarta bat dago ikusgai, mezu honekin: 'Lurra desarmatu', Frantziskok berak erabili zituen hitzak".

Gainera, Emmanuel Macron Frantziako presidentea ere agurtu dute bi buruzagiek. AEBko eta Ukrainako presidenteen esanetan, bilera "historikoa" eta "oso emankorra" izan da.

San Petri plazan izandako hileta-elizkizun jendetsuaren ostean, sei kilometroko ibilbidea egin dute, Santa Maria Nagusiaren Basilikaraino, eta han ehortziko dute, ekitaldi intimo batean, aita santuaren gorpua.

Bere bizitzan zehar aita santuak egindako "bakearen aldarrikapen nekaezina" azpimarratu dute larunbat honetan izandako hileta-elizkizunaren homilian. Mezaren ostean, Santa Maria Nagusiaren Basilikara eraman dute gorpua.

AEBeko eta Frantziako presidenteek eta Espainiako erregeek, besteak beste, basilikan sartu eta aita santuari omenaldia egin diote, hileta hasi baino minutu batzuk lehenago.

Azken hiru egunetan, 250.000 pertsona inguru igaro dira Frantzisko aita santuaren hilkutxaren aurretik Vatikanoko San Pedro basilikan azken agurra emateko.

Atentatua Errusiako hiriburuaren ekialdean eraikitako urbanizazio bateko patioan gertatu da, militar erretiratuentzat egina. Ikertzaileak eta beste agente batzuk bertaratu dira, atentatua nola gertatu den ikusteko.

Vatikanoa eta Erroma bera mukuru egotea espero da bihar —200.000 pertsona, lehen estimazioen arabera— eta, gainera, hiletara joango diren 170 nazioarteko ordezkaritza babesteko zeregina ere badute agintariek. Munduko 50 estatuburu eta gobernuburu eta 10 errege-erregina bertaratuko dira.

Frantzisko aita santuak aldaketa batzuk egin zituen hilkutxaren eta beste xehetasun txiki batzuen inguruan, baina hileta-elizkizunak protokolo diplomatiko eta liturgiko zorrotza izaten jarraituko du. 200.000 fededun eta 170 ordezkaritza baino gehiago larunbatean Vatikanoan izatea espero da.