Gizartea -
Emakumeen kontrako indarkeria
Barakaldon izandako bortxaketa baten ustezko egilea atxilotu dute
27 urteko gizonezko bat da atxilotua, eta joan den igandean 50 urteko emakume bati sexu-erasoa egitea egotzi dio Ertzaintzak.
Erredakzioa
Joan den igandean, Barakaldon, ustez, 50 urteko emakume bat bortxatu zuen 27 urteko gizona atxilotu du Ertzaintzak, Sestaon, Herrizaingo Sailak jakinarazi duenez.
Ertzaintzak emakume baten kontrako sexu-erasoaren berri izan zuen urriaren 28an, igandean. Salaketaren arabera, erasoa igandeko lehen orduan gertatu zen, Barakaldon, Artzain Onaren kalean.
Biktimarekin hitz egin eta gaiari buruzko informazioa bildu ostean, ikerketa hasi zuen Ertzaintzak. Hala, hainbat egiaztapenen ostean, ustez Barakaldon emakume bat bortxatu zuen gizona atxilotu zuen Ertzaintzak asteazken honetan, Sestaon.
